Ég ætla að sleppa Topp 5 listunum, of langdregið. Mér finnst bloggið mitt vera feitt. Ekki svona feitt eins og gott feitt heldur svona "Oh, ég er svo feit." Ég er að hugsa um að hætta að blogga í alvörunni, mér dettur aldrei neitt í hug almennilegt lengur. Ætla samt að koma með árslista til að vera alvöru bloggari, hann kemur hér:

Lag ársins: Franz Ferdinand – This Fire

Ekki lag ársins: Yellow Note – Naked, drunk and horny

Besta nótt ársins: Seyðisfjörður í sumar með stelpunum, íslenskar sumarnætur eru bestar.

Versta nótt ársins: “Það er risajárnsmiður í rúminu mínu”-nóttin á Krít. Við Melkorka spiluðum Olsen Olsen alla nóttina því við þorðum ekki að fara að sofa.

Besti bloggari: Jón Kristján, þetta var frekar erfitt því ég þekki marga góða bloggara en það er fáránlega gaman að lesa bloggið hans Jóns. Ég las bloggið hans áður en ég vissi hver hann var.

Slappasti bloggari: Gró

Besta aldrei gert áður: Þóst vera þroskaheft og blind til þess að fæla í burt grískan pervert.

Versta aldrei gert áður: Borðað innyflasull, í boði Doktor Sindra og vina hans

Besta nýja uppáhald: Filip iPod

Besti vinur: Nei, kannski ekki.

Besta ákvörðun: MH

Versta ákvörðun: Ónefnt póstkort til ónefndra starfsmanna

Vonbrigði ársins: Að komast ekki á Placebo.

Gleði ársins: Hitabylgjan í ágúst

Besta sjoppan: Fröken Reykjavík og 10-11, Austurstræti

Strætó ársins: Sexan, 07:48 frá Lækjartorgi

Fjölskylduboð ársins: Singstar matarboðið á gamlársdag, að taka I believe in a thing called love tvisvar sinnum og sjá mömmu mína í karókí var of gott.

Besti frasi ársins: “Farðu bara og sofðu hjá beljunum, landsbyggðarlúði.”

Versti frasi ársins: “Reynið að hugsa með eyrunum en ekki rassgatinu.”